රාත්‍රියටත්
නිදිමතක් නැහැ වගේ
මදක්වත්
කාලය ගැන නොසිතාම වගවෙන

සුළඟටත් සෙලවෙන
තුරුවැල් නොසන්සුන්
අඩනින්දෙන් මෙන්
විටින් විට තිගැස්සෙන

කදෝපැණි ඉගිල්ලෙති
එළිය විහිදාලමින්
ඝණ අන්ධකාරයෙන් එපිටහට

අඳුර නිවාලන
එකම පුන්සඳ නැති වුවද ගගනත
තරු කිනිති සහසකි
තැනින් තැන දැල්වෙන

ගලපාගත නොහැකි වූ
හිතෙහි
තෙරපෙනා වදන් පොකුරකි
පිනි කඳුලකින් තෙමී ,පෙඟී
පන්හිඳ තුඩග බොඳවෙන


Photo credit : Alexander Andrews