රෑ සුවඳ කළ
දෑ සමන් මල

දහවල ගෙවී රැය මෝදුව ආ කලට
පුන්සඳ ඈත දිලිසෙයි ආලෝකයට
මුතු පිනි වැටී ලස්සන වූ ලෝකයට
දැසමන් මලක සුවඳක් දැනුණා අවට

කවි සිත ඇහැරිලා කවි පද පෙළ ගැසුණී
හිතකට සතුට වැනි විය සරණා ලිහිණී
ගහකොළ කියා පෑවෙත් සතුටය දැනුණී
වෙන මොනවද ඉතිං මට නොදැනිම රැඟුණී

අරුණලු ඈත අහසේ ඇතිරෙනා කල
හිත කලබලෙන් පෙති හකුළා නටුව තුළ
නින්දට සැරසෙනා ලෝකය සුවඳ කළ
යන්නට අවසරයි මගෙ දෑ සමන් මල