නොමැති මුත් රන් තලිය...
කොළ පතක ලා සුසැදු.

කිරි බතක් පුදනවා ...
ගැහැනියක් විත් දිළිඳු.

පිළිමයක් මතු පිටින්...
දකින මුත් හැඩ මුනිඳු .

කෙළෙස් මළ මතින් වැඩු...
දැහැන් දුටුවෙම දුමිඳු .

*********************************

සංඝමිත්තා තමයි ...
වැඩම කළෙ කිව් පුරුදු .

නාවනා විටත් ගෙන ...
සඳුන් කිරි පැන් සිනිඳු

ලිවි බසින් කට බසින් ...
නොයෙක් ලෙස පැතු නමුදු.

තවම බුදු වෙලා නෑ..
මවක් ඒ යට දැනුදු.


***********************************

නිදා ගෙන සිටි විටත්...
අහස් කුස තුළ දිනිඳු.

ළිපේ ගිනි උණුසුමට .....
පිබිදුණා ගෙයි තරිඳු.

කවා නහවා පොවා..
රකිනවා නම් බිළිඳු.

ඥාණ පාරමි කුමට...
ඇයට මර සෙන් පැරදු.

########################


වෛද්‍ය නිලධාරී .
බන්ධනාගාර වෛද්‍ය ඒකකය .
බදුල්ල .
2024.05.02