දුකකට පත් අයෙක් එම
දුක පවසන්නේ...
හිතකට සහනයක් ලැබ
ගැනුමට වන්නේ...
පවකට සමහරුන් එය
මගහැර යන්නේ...
කනකට යවුල් අනිනව
සේ සිතමින්නේ...

මදකට සිතා බැලුවොත්
වැය වේද මිලක්...
ටිකකට ඇහුම්කන් දුන්නොත්
නොවී ගලක්...
හදකට සතුට ගෙන දීමේ
නැතිද පලක්...
පිනකට ලැබුණ දෙසවනටත්
යාවි කලක්...

ඔය කට යොදා නොකපනු
තවකෙකුට වලක්...
රටකට, වැටුනු, ඒමට නම්
හොඳම කලක්...
සිතකට අපේ ඉඩ දුන්විට
වන්න විලක්...
දිනකට එක බැගින් සුපිපෙයි
සුවඳ මලක්...