සිනාසෙන හිරු මඬළ
දසන් විදහන මුව කමල්
වසන්තය නිමා කොට එබිකම් පාන ස‍රත් සමය
කියයි පත් ඉදෙන තුරු වදුළ

නිසල මහ වන පෙත් අරා
සසල රියසක නෙක දුවන
සමථයට සිත ඇරියුම් පාන
පරිසරය මැව්වේ වෙන කව්ද

සියලු සත්වගට ගරු කරන
මනුසත් දහම් නිති පෙනෙන
මිනිස් කැල නොවෙද නිබඳ
පන්සිල් නොගෙන සිල් රකින

සිත දුවයි නිරතුරුව අනේ මගෙ රට
සියලු දහම්න් සපිරි පිරී ගිය
පසිඳු සම්පත් දැක නොදැක
ලොවට අත පා සාක්කුම පුරවන

සිත් පෙළා දුක නිබඳ සිටියද කොහේමුත් ඒ දැනේ යා
කරන කම් කළද ඵලක් නොගත් කල උන් ගියෝ යා
විඳින පව්කම් කෙළෙස පසක් නොවනා කලේ යා
අනේ මගේ රටේ උන් තවම බායි මාළු බොර දියේ යා.


නවසීලන්තය .
01-04-2024.

Photo credit: ARTO SURAJ