නෙක පැහැ මල් පිපුනේය සඳ පායා දිලුනේය

ලියනට තැත යෙදුනේය කවි සිත නිදි වැදුනේය

සිත මව්‍ රට ගමනේය අයියෝ යැයි සිතුනේය

එක එක දේ ඇසුනේය සතුටක් නොම දැනුනේය

ලොකු වියවුල් තිබුණේය ටිකකට යට ගැසුනේය

නැතිවූ බව හැඟුනේය නැතිකළ බව නොදැེනේය

තෙල නැත ගිණි නැගුනේය තෙල ඇත ගිණි නිවුනේය

බිම අරගල සැදුනේය අරගල බිම දැමුනේය

මහ පුටු හිස් කෙරුනේය පුරවනු දැක වමනේය

හොර රැළ නිති රැකුණේය යළි කරලිය රඟනේය

අත පා පිට ඇදුනේය රට කන ටික ලැබුණේය

අපි ගොඩ යැයි සිතුනේය ඉන් කා බී නිදනේය

පොත පත උඩ ගුවනේය ඉගෙනුම බිම ඇනුනේය

ඔසු සැපයුම මැරුණේය ලෙඩ හැදුනොත් ගොඩනේය

නෙත බැඳි පට ලෙහුනේය නිවරද බැඳ තැබුනේය

මුර දෙවි පඩි ලබනේය වැට ගොයමත් බුදිනේය

දුගියන් වැඩි වන්නේය උන් දරු කුසගින්නේය

මහ උන් එය දන්නේය වගකට නොමගන්නේය

අදිමින් රට යන්නේය තද බොරු කරමින්නේය

වැසියන් ඔහෙ ඉන්නේය අළු යට ගිණි වන්නේය