ඇළ දොළ ගං පිරීයන්න වැහි වැහැලා ගලන්න
මල් පිපුණම ගහේ වැලේ සිරි අසිරිය විඳින්න
හැඩ ගන්වා නව අවුරුදු
කුමරිය ගෙට ගෙනෙන්න
හිරු කුමරුනි මීන රැසින් මේස රැසට වඩින්න,

ගෙට ගත් නව අස්වැන්නෙන් දනට පිනට පුදන්න
පාට ගෑවගෙන් ගෙට නෑගම්
කදමලු බඳින්න
මුවින් මුවට ඉසිරි විසිරි සිනා කැකුළු දකින්න
හිරු කුමරුනි මීන රැසින්, මේස රැසට වඩින්න,

හැම ලිපකම එකම වෙලේ
කිරි ඉතිරෙනු දකන්න
සුබ නැකතින් අවුරුද්දට බත් කට කට කවන්න
නැකත් බලා වැඩ අල්ලා
ගණු දෙණු වල යෙදෙන්න
හිරු කුමරුනි මීන රැසින්, මේස රැසට වඩින්න,

ගැමි ලියන්ගෙ රබන් සුරල්
හඬ රටටම ඇහෙන්න
පුංචි එවුන් එකතු කරන්
ඔං චිලි චිලි කියන්න
සමගියෙ සුදු පරවි රෑන්
නිල් අහසට මුදන්න
හිරු කුමරුනි මේස රැසට
සව් සිරියෙන් වඩින්න,

Photo Credit ; Nasa