පැරකුම් දුටුගැමුණු ලා රජකම් කරපු රට
වැඩිපුර සහල් පිටරට වෙත යවපු රට
අව්කන වගේ බුදුපිළිමත් නෙළූ රට
හිඟා කන තැනට පත් කළ අපේ රට

කවියන් ලේඛකයෝ නිහඬව ඉන්න රට
පටි තද කරන් හිටපල්ලා කියන රට
වේල් තුනක් එක වේලට දැමූ රට
පුලු පුලුවන් එකා පිටරට පනින රට

ලැබුණත් වැටුප් මදි නොකියන තරමකට
උස්සන් බෝඩ් මහපාරේ සිටින රට
නැති බැරි එවුන් හට සේවය ලැබ ගන්ට
දැඟලිය යුතු රටයි ලෝකයේ උතුම් රට

ඔන්චිල්ලාව පැද්දෙයි නිතරම උඩට
ගියා වගේ එයි හනිකට පහළකට
සියක් ආයු ලැබ ගන්නට ඉන්න විට
ලැබුණේ බංකොලොත් බව විතරයි අපිට

Photo credit; Taylor Keeran