ගොඩ මඩ දෙකම සරුසාරය පල බරය
මේරට පිහිටියේ මුහුදේ හරි මැදය
නැතිවූ දෙයක් මේරට තුල නැති තරම
පිරරටවුන් පවා එති ගෙවලා දැකගන්න

මහවැලි කැලණි කලු වලවේ යන ගංගා
අනුරපොලොන්නරු සීගිරි තිබු හින්දා
මිනිකැට ගස්කොලං නැවුයන මග හන්දා
අධිරජ වලින් සමහරු හූනියංද කලා

වෙහෙසී වැඩකරන මේරටෙ ජනයාගේ
අටුකොටු පිරී මුදලුත් ටිකටික තරවේ
මේගැන ඇස වැටුන ප්‍රේතයො එකතුවුනේ
වැඩක් නොකර මේ සැපගන්නට සිතුවේ

ඉදෙනා බත් හැලියට උන්ගේ අතල දමා
උන්ටද උන්ගේ පෙරේත පවුල් තකා
දිලිදු යසස් බාල මහලු උන් නොතකා
ප්‍රේතයො එකතුවී අපෙ බත්පත කන්නා

ප්‍රේතයො එලවන්න කියලා කට්ටඩි ආවා
තොවිල් පවිල් කිය කර අප රැවැට්ටුවා
උන් ඔක්කොම එකම නැට්ටෙ දෙහි හින්දා
ආතුරයන්ට සුවයක් ලග නොපෙනෙන්නා

හදිහූනියං මලපෙරේත කට්ටඩි එලවන්න
සිහිකල්පනාවෙන් දවසක් මෙහි තිබුනාට
බලලොබ ප්‍රේතයන්හට එක්වී රගන්නට
ප්‍රේතකොටුව සාදා දෙන්නේ අපි නොවෙද??