බසයක ආවත් රිලා වෙසින්
පිට වෙමි ගිනි මකරෙක් විලසින්
විමසිලි වනුදෝ වපර ඇසක්
අසරණ බව හැඟෙනා මොහොතක්

මග අයිනක මා මිතුරකු රඳවා
ඇඟපත සෝදිසි කරනව දුටුවා
මොන අරුමය සිදු වෙනවද මන්දා
මේ කරුමය කවදා නිම වේදා

ඇතුළ පිටත ඇති ගැටළුව හඳුනා
ලිහා දමන ලෙස මදුරව කියනා
පාර එහා පැත්තෙන් මට ඇහෙනා
දම් පදයක හිත නතර වුනා

දූපත් ⁣මනසේ ගැටළු කෝටියයි
දවාලෙ හීනත් වයිවාරන්නයි
ආඳා වල්ගෙන් ගත්තම තේරෙයි
බෝට්ටුවෙන්වත් ඉගිලෙන්නයි

12.01.2023