සිනිදු නිල් පට සේල වයිරමින් හැඩ කෙරූ
පලින් පල ඔප වැටේ රුවන් කැට මවන රූ
වැටෙන දඹ රත්තරන් පහස මැද රඟන රූ
සුරන්ලිය ලවන් යුග දිගන්තය මත් කෙරූ

සරාගී බැලුම් දී රජුන් වෙත නෙත් හෙලා
එලා ගත් සළුව වෙත රැස් දහර ගොනුකළා
අනන්දය පා සොදුරු වසන්තය ලංකළා
අවාරේ හමා යන මද පවන මත්කළා

ගිනි පුලිඟු සීතලෙන් ගුලි වෙන්න හදනවා
කෝඩු හිත උණුහුමින් කිටි කිටිව ගැහෙනවා
හාත් පස නිහඩ බව පාවාඩ එලනවා
සංසාර හුරු පුරුදු කතාවක් ලියනවා

පලිඟු ලෝහිත පලසෙ හිත් දෙකක් තුරුල්ලේ
නුවන් කුංකුම කැලුම් රන් ගුවනෙ ඇතිල්ලේ
සතරැසක් එකැස් වන මේ සොදුරු සැදැල්ලේ
ඇසෙයි මංගල ස්ලෝක මදුරාව නිදැල්ලේ

සිදු හසන් ඔවිල්ලේ තුන් සිතම ඔකඳ වී
කෝල බැල්මේ පහස තුසිතයක් මවාවී
මන්දාරමේ පවන් ගිනි සිසිල නිවාවී
සීරුවට හිමි හිමින් අඳුර ලොව ගිලීවී