කස්තුරි තිලක සැදි නළලත සුමුටාන
පුල් මහනෙල් මල්දම් හිස දවටාන
සලෙළුන් යනෙන නිති කරැ කෙළි කවටාන
රිවි මුදුනත වදු වන මැද සුමුටාන

කදිමට මටසිළුටු වූ නළලෙහි කස්තුරි තිලකයන් තබාගෙන,
පිපුණු මහනෙල් මල් මාලා හිසවටා දවටා ගෙන, කෙළි
කවට කරමින් සල්ලාලයන් යන එන, වනාන්තරයක් මැද්දේ
තිබෙන්නා වූ සුමුටාන ග්‍රාමයට, හිරු මුදුන්වන වේලාවෙහි
සැපත් වන්න.

සටහන; වාසනාවට අද සුමුටානේ (හිඹුටානේ) හිසේ මල් ගසා
ගෙන රස්තියාදු ගසමින් සිටින තරුණයින් දක්නට නැත.