මවුබිමේ අගය කියාදී
අතීත ශ්‍රී විභූතිය පෙන්නා
කටපාඩම් කරවා
ටිබැට් මිහිඳු හිමිගේ කවි
ඇති දැඩි කළා පුතු
උගත මනා සිප් සයුර
එතෙර කර ..........

සහතික රැගෙන
ගියා එක එකා පස්සේ
පත්වීමක් පතාගෙන ?

එහෙත් ඔහු තබාගන්නට මෙබිම
කුණු දේශපාලනය ඉඩ නොදුනි.

ගියා පුතු මගේ අදහස් නොතකා එතෙර

ඔස්ට්‍රේලියාවේ ලබා පුරවැසිකම
පෙළවහට ගෙන සුදු කතක්
දරු පැටියෙකු ද ලබා
හිත රිදුම් නැතිව
මනස පිවිතුරුව
සුදුසුකමට ගැලපෙන
රැකියාවක් ද කරගෙන
වෙසෙහි එහි

මා කීව මවුබිමේ මහිමය
හිනාවට කරුණක්ය දැන් ඔහුට
මගේ හිත තැලේ යැයි නොකීව ද
මා කෙරේ සමච්චල් හිතක් ඇති!