වදන් සොයන්නෙමි කවක් ලියන්නට
ඉමක් කොනක් නැත සිතුවිලි ගොන්නට
අනන්තයෙන් විත් හෙමින් හෙමින් මගෙ ළඟට
සඳක් වුණා ඔබ රෑ අහසේ කළුවරට

තරුත් එකින් එක පිපී දිලෙන්නට
දෙනෙත් කැලුම් මැද රැය සරසන්නට
වසත් සිහින මල් විකසිත ගී පොත පිරුණා
අහන් ඉන්නවද ඔබටයි මේ ගී ගැයෙනා

හෙටත් ඇවිත් අද වගේ ළඟින් හිඳ
පවන් රළක මල් වියන් තොරන් බැඳ
දුහුල් වලා පිරි රැයක් උදා විය සඳට
සඳත් මගේ නම් තරු වියනක් මට කුමට