උපන්දා පටන් අපි හොඳ ශ්‍රී ලංකන් ලු
අද වනතුරා ඒබව හොඳටම දැනෙනවලු
ඇදුමෙන් පැලදුමෙන් අපි කියන්නෙ ආයුබෝවන් ලු
නමුත් අනේ අපිට ඇත්තෙ ඉතිහාසයක් ලු

වදන් යොදා සරුකරගත් සංදේශය ලු
දුර ඈතට පෙනෙනා ගරු රුවන් සෑය ලු
සීගිරියට ගියත් අපේ හිත පිරෙනව ලු
පැරැණි ඇත්තො නැත්තං අපි ගොබ්බ රැලක් ලු

සුද්දො ආව හොඳයි කියලා උන් සතුටුයි ලු
දෙස බස රැස සුරකිපු තව මුන් ගැටුනා ලු
සුද්දො ගිහිං කල්ගතවේ දත නියලා ලු
හැදෙන්න හොඳ කල් තිබුණත් අපි කම්මැලි ලු

ජනවාදී ධනවාදී එන්නේ උන් අපෙ සේවෙට ලු
එලුවො රැලක් බලනව වගෙ ජන්දෙ ගත්ත ලු
අපි කටු කනතුරු උන් එක්වෙල සැප ගන්නව ලු
අපි පත්කල සේවකයෝ අපිව කනව ලු

ඉතිං නංගි අපේ මල්ලි මෙහෙම කරමු ලු
වයස අයට ගානක් නෑ පුරුදු වෙලා ලු
ගද ගහනා පාලන ක්‍රම මකා දමනු ලු
ඇදුරැ වියත් ගොවිනායකන් පත්කර ගමු ලු

(තවත්)
ඔබත් නැගී වැඩකට ඇති රටක් හදමු ලු
අන්න එදින අපි හරියට ශ්‍රී ලංකන් ලු.