දුර්ලභ ගණයේ ⁣සේයාරුවකි
වටින බොහෝ සෙයින්...
දර්ශනෙ වෙයි ගඟක් මැද්දෙ පොතක් බලන කෙනෙක් එයින්...
වර්තමානෙ නම්, අතෙ විය
යුත්තෙ ෆෝනයක්නෙ මෙයින්...
අර්ථවත්ම දේ බලනුව, එය
හැදිලා තියෙන දෙයින්...

දුටු මනතින් හිතෙන්නෙ, ඇයි තෝර ගත්තෙ මෙවන් තැනක්...
කොටු නොමවී පොත් බලන්න මනස දුනිද සිතට අණක්...
පටු ලෙසටම සිතූ කලට "පිස්සු" කියයි, දෙසා බනක්...
හිටු කියලා සෙල්ෆි ගතොත් ගිලෙයි නෙවද කීප පනක්...

කුඩා මෙන්ම විවිධ තරමෙ ගල්
ගලපා, දකින්නන්ට...
වඩා හොඳින් සැමගේ සිත් නිමැවුම වෙත ඇදිලයන්ට...
විඩා නොබල එහෙන් මෙහෙන් තබා ඇත්තෙ පුදුමවන්ට...
ගොඩාරියක් වෙහෙස දරන්නැති
ඔහු මෙය නිමකරන්ට...

පුදුම වැඩකි කවුරු කළත්, ඔහු
වියයුතු හරිම දක්ෂ...
විඳුම ⁣රසය පොතක තියෙන,
අවට ඇතිව වැඩුනු වෘක්ෂ...
ඇඳුම තෙමිල වගෙත් පෙනෙයි
සිතනු නැතිව පාට පක්ෂ...
සැදුම ගලෙන්, මෙවන් රුවක්, වටිනව නෙව ගණන් ලක්ෂ...!