කළු ගඟේ දිය රැල්ල ගොළු වෙලා ගලනවා
වැලි මිටිය ඉහිරිලා මහ පොළවෙ හැපෙනවා
ගම ඇවිත් පෙළගැහී හැම තැනම හොයනවා
තනි වෙච්ච හිත මගේ හදවතින් හඬනවා

ඔරු බඳේ කණපිටින් දෙගොඩ යන වතුරට
කෙළිකවටකම් කරන හුරු පුරුදු විලසට
දණහිසත් බිම වදින දිය හීල දිනයට
උඹ කොහෙද ඉඟි දෙකක් එවාපන් හනිකට

පුතුත් පිටරට ගිහින් බර දරාගෙන හැදූ
දුවත් කලබල වේලා පුංචි එකෙකුන් වැදූ
බතක් නැති ළිප පුරා දුක් කඳුළු ගිනි කඳූ
මටත් උත්තර නොමැත නැවතිලා හිරු සඳූ