බලා සිටිති ලා දලු කොළ වෙන්න ට
පොහොට්ටු හිඳීවි මල් වර වෙන්න ට
තණකොළ ගස් අස්සෙන් මතුවෙන්න ට
පිණි බිඳු හදනව තව සැඟවෙන්න ට

වැනෙනව ගස්වැල් හමනා සුළඟ ට
දැනෙනව අඩුවෙන සීතල හෙමිහි ට
ඇහෙනව ගුමු ගුමු හඬ දැන් සවන ට
පෙනෙනව සියොතුන් ඉගිලෙන අහස ට

මල් පෙම්වතියන් හිඳීවි පේ වී
පෙම්වතුන් ලෙසින් බඹරුන් ඒ වී
රිසි ලෙස මධු කෙමියට තුඩ දා වී
තව මල් වෙත උන් යනු ඇත පා වී

නිල් වියනත් කොල පලසත් අත රේ
දේදුනු පාටින් මල්ගොමු පැති රේ
සිත් නහවන සොම්නස් දිය දහ රේ
වසන්තය ඇවිත් දැන් මේ වස රේ