වනස්පතිඳුන්ට රහස් කොඳුරන නියා
ලතාවක් වෙලා ගෙන මල් දෙක තුන තියා
මුළු මහත් විශ්වය එක අකුරක ලියා
හදතුර ලැගුම් ගෙන කිසිවක් නොම කියා

පැයක් නොව තුන් තිසක් පෙලින් පෙල උළුපා
විමන් තුල ගිනි පුළිඟු හිත අස්සෙ නෙරපා
හද සොහොනෙ ගල් ගැසුම් සීරුවට ගලපා
පිනි වැස්ස ඉහිරුවෙ සැදැහැවෙන් සතපා

සවනගේ මිමිනේවි හද සනසන කතා
නෙතුකොනේ නලියාවි පෙඟි සෙනෙහස් ලතා
මතුබවේ ගලපාවි මුල් පිවිසුම් ඔතා
සන්හිඳේ කොඳුරාවි හද ගැඹුරින් පතා