නැති බැරි එකා අතු පැල්වල
දුකට වැටී
කුසගිනි නිවා ගන්නේ කා පාන් රොටී
රජ ගෙයි එවුන්ගේ මන්දිර කෝටි වටී
අපමණ කන කෑම දිරවනු බැරිව සිටී

සිත් තුළ කරුණාව මෙත් තෙත් ගුණය නැතී
තක්කඩි හොරු රැළක් මුළු රට උලා කතී
මේ හොර නඩය පන්නා රට රකිනු රුතී
සැම දෙන මොවුන්හට එරෙහිව සිටිනු නිතී

මුළු රට වැසියනට හිමි මහ ධනය රටේ
වැය කර අනිසි ලෙස රිසි ලෙස ලෝකෙ වටේ
නිතරම කරක් ගසනා හොර රැළට බැටේ
දෙන්නට බිය නැතුව එක්වෙමු අනුර වටේ

දැක දැක උලා කන තම දරුවන්ගෙ හෙට
යන්නට ගියා අපමණ අය අතැර රට
ඇරයුම් කරමි ඒ ගිය ඔබ සැවොම හට
එනු මැන හදන්නට යළි හොරු නසපු රට

රජවී සිටී අද බල ඇති කුමාර
හැකිවෙයි කරන්නට සාපය හමාර
නිවිලා යාවි සැම තැන ගිනි දුමාර
කෑ දෙය හොරෙන් වෙයි දමනට වමාර