මහාචාර්ය මනෝරි ගමගේ හැව්ලොක් ටවුන්

2025 ජනවාරි කලාපය

මේ තවත් කතාවක්

බදාගෙන විඳ විඳා සෝ තැවුල් රාශියක්
මුදාගෙන යනු බැරිව ඉඳීමම ශෝකයක්
හලාගෙන පත් බිමට නැතිව කිසි ලෝබයක්
සිනාවෙන තුරු හිසක් කියන්නෙම පාඩමක්

දමා ගොස් අතීතයෙ මතක බර ඉඳුරාම
විදා අතු රටාවට එන්න පෙර දළු බෝම
මහා තුරු නිල් ගගන වැළඳගෙනපා ප්‍රේම
ගයා සතුටින් නටයි කිසි දුකක් නැතිසේම

අතපසුව මග හැරණු දේ ගෙනාවද බියක්
නැවතුමක ළඟ ළඟම තිබිය හැක නව මගක්
හිම සිසිල විදෝගෙන ඉන්න නග්නම ගසක්
කියන්නෙම ඉවසුමක අගය එන තුරු හෙටක්

පවන් රළ ගෙනයද්දි පත් එකින් එක දුරක
හිමින් ඒ ඉඩ ගනියි පොට්ටුවක් නව මලක
ලබන්නෙම නොයෙක් සම නොවැරදි හැම වසක
කියන්නට කතාවක් ඇති නිසයි හැම ගසක

Photo credit; Fabrice Villard
View Poem