රජ ,සිටු,මන සවන් සනහන රසය සොබා
ගන්නට ගදඹු ලෙස රජුගෙන් වරම ලබා
මන් මත් කරන්නට වෙණ නදයෙන්ද සබා
කෙදිනද මා යන්නෙ දන ඉදිරියට තබා


පෙදෙසේ ගදඹු ලෙස කිත්,යස,ලබා ඇත
මදු කෙළි, උළෙල පිනවී සැම දනා නෙත
මහැදුරු ගදඹ ගුත්තිල ගේ වතා වත
කරමින් උගත යුතු වැඩිදුර පුරා සිත


දුරු මඟ ගෙවා විත් ගුරු සිටි බරණැසට
පිළිවිසි එකත් පස සිට අත වැසි කමට
නොකැමැති වූ නිසා මා පිය මෙහෙය කොට
නැවතත් පිළිවිසී ශිල්පය දෙන ලෙසට


අඳ මා පියන් හා,ගුරු දෙවි මෙහෙය නිමා
කරමින් ශිල්ප ලැබ කිසිවක් නොකර පමා
උගතිමි සියලු වෙණ සිප් ගුරු දන්න සැමා
දැන් රජ මැදුරෙ ගදඹුන් අප දෙන්න තමා.


ගුරු වියපත් ය දෙදරයි අල්ලන තත ද
නොදුවයි වැඩි දුරට ඔහු වයනා සර ද
රජු හට නොදැනෙන්න එය සඟවා මහද
හඬවයි තත් තදින් දෙදරයි ඉන් හඬ ද


ආවරණය කරන් සේවය කරන නමුත්
ලබනා වැටුප මදිවිය දිවි ගෙවුමට වත්
විමසූවත් වැඩි කරනා ලෙසට තවත්
නොනැමුණි ඊට ,රජු හෝ ගුරු ගදඹු වු වත්.


නොකැමැති වුවත් මා ගුරු හා තරඟෙ කට
හැකි නම් මෙහෙය පෙන්වනු තම මියැසියට
යොමු කරවීය රජු -වැටුපක් පෙරටු කොට
නිතැතින් යොමු වුනා පඩි පත කරණකොට


තරඟය පැවැත් වුනි මුළු බරණැස හොල්ලා
මා එහි යොමුවුනා නිසි වැටුපක් ඉල්ලා
මහ රජ අණින් විනිසුරු වන් ගෙනැවිල්ලා
නිසි තීරණය තිබුනා කණ පිට පෙල්ලා.