තුන් තිස් පැයේ මට වද දෙයි මගෙ මිතුරා
කවියක් ලියනු වෙත ලන්ඩන් කවි සඟරා
මම වෙහෙසෙමිය එය ලියුමට නිදිත් වරා
මුළු ලොව හිර ගෙයකි අද මේ කොවිඩ් මරා

අලුත් දෙයක් නොව ලොව මේ වයිරසය
හැම මොහොතකම එය ජය ගන්නට හැකිය
දහසක් නීති ඇත අකුරට පිළිපැදිය
මුළු ලොව එකතු වී සමගිව කල යුතුය

තරාතිරම නොබලා අප සැම දෙනට
සොබා දහම පෙන්වා දුනි ඇති ගැහැට
තුති පුද කරමු ලොව වෙදැදුරු පුතුන් හට
මුළු ලෝකයම සුවපත් වේ එන්නතට