ශීතලේ සළුව යට - කිති කවනු කිමද නුඹ
සඳත් නැත කොඳුරන්න - රැයේ නිදනු ද කෙලෙස

මල්වර වු එසඳ විත් - කවි ගීත මැව්වාට
දිගු ගඟක පදිමි ඔරු - බිඳුනු හබලෙන් දුබල

මහ මූදෙ ඝෝර හඬ - දුරින් ඇසෙනා විටෙක
හබල ඔරවයි බලන් - නුඹේ නෙත් වැසෙන'යුරු

ජේසු සමිඳුන් කුරුසෙ - ඇන සමග සිරවෙද්දි
නුඹ කිමද අනාථවු - ඇට සැකිලි මවන්නේ

ඈත දුර පැල් පතින් - නැගි සුසුම් රාවයෙන්
නැවත පැදවෙන හබල - ඇදෙනවා එගොඩටම

එසැණ ඈතින් හමයි - දුකින් නැගෙනා සුවඳ
කැඩුනු හබලෙන් පදිමි - පිපි එමල සිඹින්නට