රථ වාහන පෙළක් නැත පෙර මග දිවෙන
ආරක්ෂක සෙබළු නැත වටකර සිටින
තනි වාහනෙන් බැස මඳහස පිරි වුවන
මිනිසෙකි සුහද පොදු ජන හදවත බැඳුන

මැරවර පිරිස අතහැර ගිය මැති සබය
උගතුන්ගෙන් පිරෙනු දැකුමත් මනහරය
සැමටම උදා කරමින් ඒ නව යුගය
යළි ගොඩනගනු නිසැකය රට දැය සමය

තැති ගත් හොරුන් රැළ යන එන මංනැතිව
හිරවී නිවෙස් තුළ අරමුණකින් තොරව
දැක දැක ලඟම එන ඉරණමකට බියව
හෙලමින් දුක් සුසුම් පසුවෙයි නිරතුරුව