කියති බෝ වියත් දන "ඇත" කියා ලෝකයම දෙසති අන් වියත් දන "නැත" කියා ලෝකයම

දෙසති සම්බුදු රදුන් ඒ සැමට
ඔවදනක්
මැදි දහම
මිස නොමැත
"ඇති" බවක්
"නැති" බවක්

යම් විටෙක මෙය ඇතොත්
ඒ දේත් තියෙන්නේ
මෙය ඉපදුනොත් මිසෙක එයත් හට නොගන්නේ
මෙය නැති වුනොත් පමණි
එයත් නැතිව යන්නේ
මෙය නූපදීමෙනුයි
එයත් හට නොගන්නේ

අවිදු ඇති වුනොත් නොවැ
තණ්හාව උපන්නේ
තණ්හාව ඇති වුනොත්
බැදීමකි සැදෙන්නේ
බැදීමක් ඇති විටයි භව කර්ම
සැදෙන්නේ
භවය ඇති වුනොත් මයි යලි යලිත් උපන්නේ

තණ්හාව නැති විටයි ඉපැදුමක් නොවන්නේ
ඉපදුමක් නැති විටයි සියලු දුක් ගෙවෙන්නේ

මෙය ලබන්නට නොවෙද මැදුම් මග වඩන්නේ
මැදුම් මග දිනා යලි - මව් කුසට නොඑන්නේ

ඇත නැතැයි අවිදු අදුරේ ගිලුණු ලෝකයට
මැදුම් දම් නම් මෙයයි සොයා දුන් බුදු හිමිට
මැදුම් පිළිවෙත තුලින් කියා දුන් නිවෙන්නට
තුති පුදා එකතු වෙමු ඒ මැදුම් පිලිවෙතට!