මද නල තාලය⁣ට පැද්දෙයි රටාවට
නටු අග කටුත් නටනවදෝ ලතාවට
පියකරු සුවඳ පතුරයි හැම දිසාවට
ඇසිපිය ලෙසින් පෙති සැලුවෙි කලාවට

විහගුන් සමනලුන් බඹරුන් මී මැස්සන්
ඔරවන් මොකද ? මට යන්නෙ උන් ගස්සන්
එන්නට එපා මගෙ මල නුඹලා ඉල්ලන්
සෙල්ලන් එපා මිතුරනි විය හැක ලෙල්ලන්

ගිලිහෙන්නට නොදි නටුවෙන් රැක ගනිමි
මල් පෙති තලන්නට කාටත් ඉඩ නොදෙමි
අමරස වුනත් රොන් රස මා නොම උරමි
ඔබ මල මගේ මට පමණයි ඔබව හිමි