දැන් මිනිසුන්ගෙ සිතුවිලි හද ගිනි ගෙනය
ඉන් නැතිවෙලා ලැජ්ජා බය සහ විනය
කන් යොමලා බැලුවොත් ඇසුණෙම බණය
උන් ඔක්කොම තවමත් ඒ සිටි තැනය

මඟ බැස යන්න පොඩි එකෙකුට වත් හැකිද
දුටු විට කාම සිතිවිලි එන්නේ කිමද
පොඩි මල් කැකුළු තලමින් තව දී වදද
විසි කර දමයි කොහෙ හරි මේ අපෙ රටද

තනිව යන්න බැහැ කතකට මඟ බැසලා
හොර මැරකම් දූෂණ මත්කුඩු පිරිලා
මකුළු දැල්ද දූවිලි බැඳි පිස දමලා
කිමද පෝරකේ ගත්තොත් දැන් හිතලා