විටකදි දැනෙයි එය වාගෙ මහ මුහුද
කලඹයි නිතර අවිහිංසක වුව මහද
ඇවිදින නමුදු එක තැන නවතනු බැහැද
කිව්වට ඉතින් හිත මගෙ එව්වා අහද

පෙර මතකයන් ලඟ විටකදි රැඳේවී
හිමිනැති පෙමට හරියට ඉකි බිඳීවී
හිතුනම ඉතින් බොඳ සිතුවම් අඳීවී
තනිවූ විටදි ගී කවිපද බඳීවී

කය හා බැඳුන හිත මේ දිවි තිබෙන තුරා
හිනැහෙන වගයි විටකදි මා නොමර මරා
වරදට පොලඹවන්නට දී හැඟුම් නුරා
නිහඬව හිඳියි කියලා නුඹ ගනින් දරා....