දවල් අහසේ නැගී තිබුණේ
අඩක් කිරි පුරවගෙන තැටියට
හිතක් සුසුමක වෙලී සැලුණා
දුටුව විට ඒ සොඳුරු අඩ හඳ

තව සති කීපයක් යනවිට
පුරෝගෙන කිරි පුරා තැටියට
දන්නවා මං නොවැරදී මග
නැගී එන හැටි පුරා පුරහඳ

වෙසක් කිව්වත් පොසොන් කිව්වත්
ඇසළ, හාවස්ට් මොකක් කිව්වත්
කිසිත් නොදැනම ඉරෙන් රැස් ගෙන
සිසිල් කර කිරි පැණි හදාගෙන

කොහොම ආවත් කමක් නෑ මට
බතක් නොඉදෙන පැල්ය අඳුරක
ඉළුක් වහලේ සිදුරකින් පැන
බෙදන් කිරිපැණි මදියි නොකියම

2023 මැයි මස 12 දින,
ඇමරිකා එක්සත් ජනපදයේ
කැලිෆෝනියා ප්‍රාන්තයේ
ෆොල්සම් නුවරදීය.