උන් ඔක්කොම යාලුවෝලු
ඒ වුනාට.... උන් ඔක්කොම අපේ හතුරෝ

දන්නවාද ... උන් දන්නැති බව
හඳුනන්නේ නැති වුනාට - අපි ඔක්කොම යාලුවෝ බව
ඒ හින්දයි....
එක දිගටම - එක පෙලටම
පාර දිගේ ඇවිද ආවෙ - ජූලි මාසෙ නව වෙනිදා

පාසල් පෙළ පොතේ පවා - මෙහෙම ලියා තියෙනවා
සියලු බලයෙ උල්පත - ජනතාවයි
ජනතාවගේ හද නිම්නෙන් - කවදාවත් නොසිදෙන්නට
ඒ උල්පත මතු වෙනවා

ජන බලයේ අනුහස් රැස් - මතු දිනයක මතු වෙන දින
පාලකයිනි අද උස් - අසුන් දරා වැජඹ සිටින
ඔබ වෙනු ඇත වින්දිතයින්
යකඩ කූරු බදා සිටින - සිපිරි ගෙයක කූඩුව තුල

26 ජනවාරි 2023