කාලයේ වැලි තලා වසාගත් මතක පොත
මාරුතේකට පසුව ආයෙමත් මතුව ඇත
පාඩුවේ ගෙවන්නට හදාගත් මගෙම හිත
ජීවිතේ හොයනවා ඒ පොතේ අකුරු මත

සුන්දරයි අතීතය අසුන්දර තැන් ඇතත්
දුක්බරයි ඉඳහිටක තෙමුන කඳුලින් නෙතත්
අමතකයි ඇවිද ගිය පාරතොට දැන් මටත්
මල් පිපෙයි පරව යයි එමග පෙර ලෙස අදත්

බිඳුණු තැන් ගලපමින් අවුස්සා සෙහොන් කොත්
රිදුණු තැන් පිරිමදියි යළි යළිත් මිතුරු අත්
ඇසුණු කල මුමුනනා සිත නිවන පිරිත් සෙත්
හිඳිණු බැහැ නොදුටු සේ අතරමං වුනා සිත්

ගතවෙනා තත්පරෙත් වටිනාම කාලයක
ලතවෙලා කුමකටද මේ කෙටිම ජීවයක
සැනසිලා ඉනු පිණිස බොඳ නොවන සීනයක
හිත හදා යළි බැඳෙමි මග ඇරුණු මිතුදමක