මැදියම් විට හෙමින් කැකුළක වැතිරගමි
හිමිදිරි කාලෙ පෙති අරිනට උදව් වෙමි
එකෙණෙහි පිටට වැටිලා රූරගෙන යමි
ඉරටත් බයේ නටුවක් යට සැඟව ඉමි

නටුවෙන් රූරගෙන විත් කොළයක හිඳිමි
මුලයෙන් එන වතුර බිඳු දැක හූල්ලමි
ඇතුළට ගන්න යැයි කොළයට බලකරමි
නොඇරෙන බැවින් දොර ආයෙත් දියව යමි

ප්‍රේමය කියන්නෙම පින්නක් වෙන එකය
අඩියෙන් අඩිය වැටි වැටි විසිවෙන එකය
ඒ අතරෙදිත් තව තව දිය වෙන හැටිය
අවසන ගන්ධබ්බ වී පාවෙනු හොඳය...