නුබ ගැබ සරසවයි මේකුළු
මත සරලා
රන් සඳපාන තරු කුමරියො
පිරිවරලා
වෑහෙන එළිය මිහිකත මත
තවරවලා
දරාණ මම හිඳිමි පිණිකැට
සීතළම වෙලා

හුළඟේ කිණිති පාවෙන මහ
රෑ යාමේ
රූසිරි මවන් මල්සුවඳක්
ආ වේලේ
මා වව්ලනු රෑ අහසේ
පා දෑලේ
තනි තරුවකුත් දුර ඈතක පෑ ආලේ

තවරා සුවඳ සේපාලික
මුදු මදපවන
දොරකඩ ඉඳන් ඉඟිමැරුවා
තව තතු නොදැන
රෑතුන්‍ යමේ නොනිදන නෙත් පියවී වැහුන
කාන්සියට තනිරැක්කා පිපි
බිම්මල්‍ රෑන

වියනක් බැඳන් පිණිවැස්සට
මග ඇහුරූ
නෙකමල් සුවඳ තනි නොතනිය තුරන් කෙරූ
නව දිනයකට පායනවිට රුවින් හිරූ
තරුමෙන් දිළිසුනා නෙතඟක් සුවෙන් පිරූ


නවසීලන්තයේ සිට

Photo credit: Reign Abarintos