Vanna Cercenà නම් ඉතාලියානු ලේඛිකාව විසින් 2012 නිකුත් කරනු ලැබූ I bambini nascono per essere felici ළමා කාව්‍ය සංග්‍රහයේ කවියකි. ගුරුවරියක් ලෙස කෙටි කලක්ද ,සේවය කර ලේඛිකාවක් වන ඇය ඉලියේ ජීවත්වෙන විදේශීය දරුවන්ගේ අධ්‍යාපනය වෙනුවෙන් වැඩි කාලයක් ගත කරමින් ඔවුන්ව අධ්‍යාපනයට යොමු කිරීමට ඇප කැප වූ තැනැත්තියකි. 1935 ෆිරෙන්සි නගරයේ උපත ලබන Vanna Cercenà ෆිරෙන්සි විශ්ව විද්‍යාලයේ මධ්‍යකාලීන ඉතිහාසය පිළිබඳ උපාධිධාරිනියකි . මේ වන විට ඇය විවිධ ග්‍රන්ථ 28ක් පමණ රචනා කර ඇති අතර ඒවා බොහොමයක් ම දරුවන් වෙනුවෙන් කළ නිර්මාණ වීම වැදගත් වෙනවා. එපමණක්ද නොව අන්තර් සංස්කෘතික ධ්‍යාපනය පිළිබඳව වඩා උනන්දුවක් දක්වන ඇය නීතිය සහ ළමා අයිතිවාසිකම් ආරක්ෂා කිරීම සහ රැකීම වෙනුවෙන් කැපවීමක් ද කරයි.

පාසල

ඉතා වැදගත් නිවසක් තිබේ .
එය ඇත්තේ බොහෝ දුරින්ය
රජවරුන්ගේ මාලිගා වලින්,
අහංකාර හමුදාවන්ගෙන්,
බලවන්තයන්ගේ නිවෙස් වලට දුරින් :
එය දැනුමේ නිවසයි.
එය බලවතුන්ගේ තැනක් නොවේ
බලවත් නායකයන්,
රජවරුන් හෝ ජනාධිපතිවරුන්
බුට් දමාගත් කඩු අමෝරන
ජෙනරාල්වරුන් සඳහා ද නොවේ.
ලොකු අයගේ සිට කුඩාම දරුවා ද
ඉගනගන්නා නිවසයි.
ඉගෙනීමේ අයිතිය
තාහුරු කළ යුතු නිවසයි.

හිල්මි සුපුන් | තරුෂ පෙරේරා