රැවුල නැති සිසි මඩලෙ සුමුදු සුව දැනෙන විදි
වරල කෙඳි ඇඟපතට වැටී කිති කවන විදි
හීනි මුදු ඇඟිලි තුඩු සෙනේ පිරිමදින විදි
මට ඉගැන්නුවෙ නුඹයි අතැර යා නො හැකි විදි

නිල් උපුල් මල් පිපී චූටියට වැනෙන විදි
වෙලාවක හංසයන් තාලයට රඟන විදි
ඇළක පොකුණක තියෙන සීතලට සිටින විදි
මට ඉගැන්නුවෙ නුඹයි අතැර යා නො හැකි විදි

දෑස තව දෑසකට සොඳුරු කවි කියන විදි
පාරුවක මං තියන් ප්‍රේමයක පදින විදි
ඈත යන්නට නොදී සිතට වැට බඳින විදි
මට ඉගැන්නුවෙ නුඹයි අතැර යා නො හැකි විදි

Photo Credit; frank mckenna