කොහේ සිට පැමිණි දැයි
නොදන්නා හදවතක්
ගැහෙනවා ඇහෙනවා
සිහින් කෙදිරිලි හඩින්
බිඳී ගිය පෙම්වතක
මතකයන් අහුලමින්
ගැයෙන දුක් ගී රාව
නෙතු පියන් ඇහැරමින්
අතරමග අත හැරුණු
ගිලන් පරඬල් පතක්
පිනි ඉසා පුබුදන්න
අහම්බෙන් හමු වුවත්
ඉරිතැලුණු ප්‍රේමයක
විරහවක් උසුලමින්
නෙත් කෙවනි තෙත් කරයි
කදුළු කැට පුරවමින්
නොතේරෙන නොදන්නා
රිදුමකට වග කියන්
විඳවිල්ල බාරගමි
උරුමයක් වූ නුඹෙන් ...