ටිකිරි ටිකිරි ටිකිරි ලියා - කළෙත් අරන් ලිඳට ගියා
කළේ තියල ටිකිරි ලියා - හොර රහසෙම පැනල ගියා
පැනල ගිහින් ටිකිරි ලියා - එංගලන්තෙ නතර වුනා
දවසක් දා ටිකිරි ලියා - එහිදි අපට හම්බ වුනා

ටිකිරි ලියා වෙනස් වුනා - 'ටිකී ' කියල නම වැටුනා
රෙද්ද හැට්ටෙ පසෙක දමා - බෙල් බොටමට මාරු වුනා
සිතුම් පැතුම් වෙනස් වුනා - සුද්දෙක් හා හාද වුනා
හඳුනාගන්න බැරි තරමට - ටිකිරි ලියා වෙනස් වුනා

දවසක් දා ටිකිරි ලියා - සුපර්මාර්කට් එකට ගියා
කළයක් දැක ටිකිරි ලියා - මහ හයියෙන් සිනාසුනා
පරණ පුරුදු මතක් වුනා - 'කළේට' හිත ඇදිල ගියා
'කළෙත් ' රැගෙන ටිකිරි ලියා - කලාවකට ගෙදර ගියා