මුතු ඇටය ඉන්දීය සයුරේ එකල අපගේ සොඳුරු දිවයින
මෙකල එය දන නුවන වගුරන හැඩය ගෙන ඇත කඳුළු බිඳුවක
සත් දසක් රට හෙලූ නයුවන් උරා බී ලක් දෙරණ සාරය
නඟා සියකුල සියන් පමණක් දෙසතුරට ණය දැයක් බිහිකර


වග බැඳි යුව දනන් රැස් වී බිහි දොරට
අරගල කළෝ මහවත අසුරා පෙරට
ඔළ මොළ නරපයන් දඬු අරගෙන අතට
ජන සම්මත හටන කෙලෙසී ලෙස නිවට

විසි එක් දිනට එළඹෙන මේ නිකිණි මස
ජන හඬ අවදි වන බව නැත කිසි කුකුස
දකිනෙමි දසත ජය දද ලෙලෙනා විලස
හිඳ දුරු රටක මව්බිම මනසින් පිවිස

ආචාර්ය පාලිත ගනේවත්ත
ඕස්ට්‍රේලියාව 26/08/2024