පයිප්ප වතුර නටවා සැදු කහටට
සුදු සීනි සමග කිරි පිටිද මුසු කර
හදාගත් තේ බඳුන ඇල් මැරුණද
කූඹින් නුදුටු බව මහත් පුදුමයකි

කරවල මිළ දී ගන්ට ඇවිද යන විට
යම් දුගඳක් ඈතට දැනුණා මතකද
සදා එහි අරක් ගෙන සිටි මැසි රෑන
අතුරුදන් වුනේ කෙළෙසදැයි කියනවද

බිත්ති ඇනයක් මත සවි කෙරුණ
මැටි වළඳකින් ඇසුන කිචිබිචිය
හිටි වනම මතකය අවදි කළෙද
ගේ කුරුල්ලෙක් දුටු දිනය අමතකය

කඩල හෝ මුං ඇට තම්බ ගත් දවස
පෙරා ගත් වතුර හොඳින් නිවාගෙන
ශක්ති ජනක පානෙකැයි කියා සොඳ
තම දරුවනට පොවන අය ඉන්නවද


16.12.2024