කඳු මුදුනින් උපන්
හීන් දිය උල්පත
කඳු පාමුල නිම්න මතින්
ගල්පර සිඹිමින් හොඳහැටි
පුංචි සුද‌‌‌ පෙණ පිඩුද නගමින්
සොඳුරු ළමා විය පසු කර
ගලා බසියි මහ වේගෙන්

යෞවන වියට පත්
දඟකාර ගං කොමලිය
මිහිරට ගීත ගයමින්
හිම වන් සුදු පෙණ පිඩු
කලබලයෙන් විසි කරමින්
අග පසග නලවමින්
බැස යන්නෙ හරි ආඩම්බරෙන්
දිය කෙළියෙ යෙදෙමින්
දග කරන ගැටයින්
වැලි යට සගවමින්
දරු දුකක් නොදැනෙද
කිසිම ගණනක් නැතිව
ගලයි හරි චංචලව
රැස් කරන් මහ ජල කඳක්

යෞවනිය පරිණත වෙලා
හැල හැප්පිලි කිසිත් නැතිව
තැනිතලාව පුරා පැතිර
සයුරු හිමි වැළඳ ගනු රිසිව
නිසොල්මනේ ගලා බසී
එතැන මහ ගනුදෙනුවකි
රැගෙන යන මහ ලුණු කඳ
මුසු කරයි මහ සයුරට
සයුරු දිය හා මුසු වෙලා
නිල්වන් පැහැයෙන්
හැඩ වැඩ වෙන්නී
වෙනස්ම තාලෙට මහ රැළි පාමින්
දන මන ත‌‌‌ටු කරවයි නිතිනේ