අයුක්තිය හා අසාධාරණෙ දකිද්දී ලේ කිපෙන

හන්දා

නොයෙක්වර නැගිටිනා සිත් වෙත පතා යුක්තිය සටන්

කැන්දා

මිහිරි නාදෙන් නිවී සැනසෙන ලෙස විමුක්තිය පදෙහි

රන්දා

දොළොස් මාසෙම නැගූ රණ හඬ කෝකිලාවී ඔබයි

නන්දා

ධනය බලයද නොකර මායිම් අධම පාලක මාන

බින්දා

අමන පූජක දනට බැන වැද දෙවි වරුන් ඔද තෙදද

සින්දා

ගැඹුරු තැනකම මගේ හදවතෙ ගීතවත් සිතුවමක්

ඇන්දා

යකඩ ගැහැණිය වීරවරියක් සදා මට මාලිනිය

නන්දා