කොඩියෙ සිංහය
ඔලුුවත් නවාගෙන
බර කල්පනාවක

කට්ටිය ආ⁣යෙ
සිංහයගෙ ඉරණම
විසඳන්න හදනව.

පහකට කලින්
ආව සුරු විරුවෙක්
සිංහය කණපිට ගහන්න
රජ කරවන්න
ගැහුව තමයි
මුළින් කෘෂි කර්මය
පස්සෙ සිංහයගෙ කර්මය
නන්නත්තාර කරල යි
පස්ස බැලුවෙ
ඇදල දැම්ම පාරට ම.

හැමදාම පුටුවට
කෙල හලල
වැලේ වැල් නැතුව
හිටපු හාදයෙකුට
පෑදුනා පින
දැන් ලොකු ටෝක්
දෙන්නම් ගේම කියල

තව දෙතුන් දෙනෙක්
කැරකෙනව
එක්කෙනෙක්
ලංකා පුරය ගිනි තියපු
හනුමගෙ මුණුබුරෙක්
තව කෙනෙක්
හීනියට මානෙ තිබුණ
පුංචි ලොක්කෙක්⁣ගෙ
ලොකු පුතෙක්

අනේ මං ද
සිංහය ඔලුව කහනව

පරමාධිපත්‍ය මහත්තුරුණි
කඩුව ලැබුුණෙ කාලෙකින් නෙ
ටිකක් වනල වනල
හිතල හිතල හිතල
ගහල දාමු
කැපිල ම යන්න
නේ ද

17-08-24