අහසට නැගුණු නෙක උස ගොඩනැඟිලි තැනූ
අහසින් පියාඹන සුවිසල් යාන තැනූ
මුහුදේ පතුල දැක මහ සාගරය දිනූ
මනසේ මිනිස් දියුණුව මේ දෙයින් දනූ

මේ ලෙස දියුණු කළ හැකි සිත ඇති මිනිසා
එය නිසි අයුරු නිසි මඟ යොමු නොකළ නිසා
බලගතු ගිනි අවිද නෙක වස විෂ සකසා
මුළු ලොව දිනෙන් දින දමමින් ඇත වනසා

කොතරම් දියුණු කළ මුත් සිත වෙහෙස දරා
එය යහපතට නම් යොමුවී නොමැත තිරා
ඇත්නම් උසස් ලෙස සිත මෙත් කුළුණුබරා
මුළු ලෝකයම සැනසෙනු ඇත සැපත දරා.