හීනියට ඇස් අගින් දෙන ඉනා විඳගන්න
සීරුවට කොපුල මත මුදු හාදු තවරන්න
තාලයට ළෙලෙන මොළකැටි රැඟුම් දැකගන්න
කාලයට පුළුවනිද දැන් ඉතින් නවතින්න

තණ පළස මත හවස ඔට්ටුවට දුවයන්න
බුදු පුදට මල් නෙළන පින් සිතින් සැනසෙන්න
වෙල ගාව ඇලේ දණ්ඩින්ගෙ කුස් පුරවන්න
කාලය නුඹට බැරිද අපෙ ලොවේ නවතින්න

සුරඟනා කතාවක හැම රෑම ඇවිදින්න
නිදි මන්තරේ කියන සුරඟනන් දැකගන්න
වළාකුළු පඩිපෙලේ සිහිනයෙන් නැගයන්න
මේ හොඳම කාලයයි අපෙ ලොවේ නවතින්න