ඉතිහාසය සිතේ ගෑවෙද්දී - කඩුව ගැන ඇසෙද්දී
මතක් වෙන්නෙම - යුද්දෙමයි රජුන් රජ කරද්දී

කඩුව බැහැ කියා කිව්වා ටිකක් ඉස්සර
ඒ ඉංග්‍රීසී බැරි අයට - අපි වගේ පිටිසර

මනමේ කෙල්ල අද පවා - ඉවරයක් නෑ බැනුම් අහනවා
කඩුව දීලා වැදි කොල්ලට - හිතේ දැවටුණු ආල නුරාවට

දියවන්නාව ඔය අයිනේ - සැලි සැලී සුළන් රැල්ලේ
ඉන්නවා සිංහයෙක් - නාදේ නැහැ ඇහෙන්නේ
ඒ වුනත් කඩුවක් - අතේ ඇත තදකරන්

යාබද කණුවෙත් - තවත් කොඩියකි සැලෙන්නේ
සිංහ ධේනුවකි - කොඩියේ ඒ හිනහෙන්නේ
ඇය අතෙත් කඩුවකි - මිට මොලවා සිටින්නේ

බැස එන්න කොඩි වලින් - නිදහසේ ඔබ එක්වෙන්න
පෙරමුණ අරගන්න - ජනතාව රැකගන්න
අධම දුෂිතයෝ - යද්දී ඔය අයිනෙන්
දෙපැත්ත කැපෙන ඔය කඩු - සොලවන්න දෙපසට


27ජනවාරි 2024