කට ඇති පුතයි
රුව ඇති දුවයි
වැණුවේ ඒ පුරාණයේ
රුව,ගුණ,දැණුම පිරි
මේ පුතු වනන්නට
හෑගොඩ කිවිඳු
වෙන් කෙරුවා කලාපය
තුති මල් මිටක්
පුදනව ඒ මැතිඳුන්ට

සුවහසක් දනන්ගේ
රස පහස කළතන්ට
උපන් මේ දරුවා
පසක් කරනව ලොවටම
උපතින් ලැබූ ආගම
ජාතිය කී ,නොකී සාධක
නිම් වළලු පුළුල් කර
ඉදිරියට යන්නට
කිසිදු බාධකයක්
කිසි විටක නොවනබව
උපතින්ම බොදු නූනත්
බොදු බැතිය උතුරනව
සරසවියෙ ඉතිහාසය
උගත්තද දන්නෙ නෑ
ඉතිහාසයෙ 'අ'යන්නවත්
නොදන්නා අයටත්
රස කර කියයි තොරතුරු
ගග දිගේ යමින්
සොබා දහමේ අසිරිය
වණන සැටි අපූරුයි
වේදිකාව දෙදරවමින්
නෙයිනගෙ සූදු පොළ
මවා පෙන්වූ සැටි
කාට අමතක වේද

නොදන්නා මුග්ධ දන
තෙපලුවත් නිසරු බස්
සාප කෙරුවත් ඔබට
භූමරංගය ගැන
අසා ඇති හින්දා
කම්පා නොවිය යුතු
ඔබගේ හපන්කම්
අභිබවා යන්නට
කෙනෙක් වෙතොත් මේ ලොව
ඔබ දායාද කල,
ඔබේම දරුවන් මිස
අන් කෙනෙක් කවුරුන්ද?

කුමාරිය,දරු මුණ‌‌‌පුරන්
ඔබ කල පිං හොඳටම ඇති
ගෙවන දිවිය ඔහු සමගින්
එලෙසින්ම ගෙවන්නට
ඉඩදෙන්න දෙවියනි!!!
බුදු සරණින්,දෙවි පිහිටෙන්
වෙදුරන්ට ඒ ශක්තිය
නොඅඩුවම ලැබේවා!
ඒ සොඳුරු මිනිසා
දිගු කලක් දිනේවා...!!!!

2022.08 05.