ගාලු මුවදොර
පාළු සුදු වැලිතලවේ
හිඳිමි ඔබ ගැන හිතට ලං වී
ඈත දියඹේ නැවක් දුම්දා
හිමිං සීරැවෙ පාව යයි.

ඈත පෙනෙනා දුම් කැරැල්ලක
දැනිනි මතකය එදා දවසේ
ලඟට එනවිට මහ විපතකි
ගිනිදැවුල් හා කාල දුම් රොටු
ජාතියක නාමයෙන්
මගෙන් ඔබ උදුරා
ගෙන ගියේ කුමකටද දෝ.
ඔබ උතුරැ කරෙන් ආනිසාද
වෙනත් බසක් දෙඩුවාටද
නැත්නම් ඔබ මගේ පෙම්වතිය වීද

ජාති මමාක මිනීමරැවෝ
ජාතිආලය මුඟුරක් කොට
මුලු නුවර තුල දවස් ගනනක්
මැව්වෝය පටාචාරා
සහ කිසාගෝතමී

ඔබසොයා ගියද මට
දැවෙන සුන්බුන් අතර
ගිනි අළුවිසුණු මිස
මම දුටුවෙ හඬනගන
පටාචාරාවක් නොවේ.

වෛද්‍ය සුමනසීල ද සිල්වා
බර්මින්හැම්,එංගලන්තය.