රෑ බෝ වීලා කලුවර වැටුනා
අම්මා කැව් බත් වල රස දැණුනා
මිහිරට තාලෙට කවි පද ඇසුනා
අත්තම්මා ලඟ හරි බරි ගැසුනා

කවි පද කවුරුත් තාලෙට කිව්වා
කතන්දරයකුත් කියමුද ඇහුවා
කාගෙත් මුහුනේ සිනහව පෙනුනා
කවුරුත් තව තව එක් රොක් ගැහුනා

කතන්දරේ ටික ටික දිග හැරුනා
කතාව මුතු කුමරියගෙ කියවුනා
කඳුලු සලා මුතු කුමාරි හැඩුවා
කඳුලු නොවේ මුතු කැට බිම හැලුනා

කතා මල්ල හැම රැයකම ඇරුනා
මහදැන මුත්තගේ තොරතුරු ඇසුනා
ගෝලයෝ පහ ගැන නිතර කියවුනා
තව තව කියමුකො ඇවටිලි කෙරුනා

නරියයි හාවයි ඉබ්බයි කුකුළයි
ගමරාළයි ගම මහගෙයි බල්ලයි
අත්තම්මයි ඇගේ අන්දර මල්ලයි
හීනෙන් සිත තුල තවමත් ඉල්ලයි.

පුංචි අපට කවි සින්දු



....................