හිරුට පෙම් කළ වැලි කැටය

තීෂ්‍යා දුල්මිණි
තීෂ්‍යා දුල්මිණි
2021-November

වැලි කැටය:

කතරක් කියන්නේ තනිකර සිර මැදුරක්
අතොරක් නැතිව තිබුනේ ලොකු වැලි කතරක්
නිවනක් කියා දුටුවේ මම නිල් අහසක්
එලියක් දුන් හිරුට මම කීවා රහසක්

නුඹගේ රැසින් මා ගිනියම් වන අයුරු
දකිමින් නුඹත් තව සතොසින් වේ රුදුරු
ලැබුණත් සිසිල ලොව පැතිරෙන විට අදුරු
නොදකින නුඹ නිසා හදවත වේ සිදුරු

හිරු:

අරුමෙකි නුඹේ සෙනෙහස නම් මට තාම
රිදවන කෙනෙකු හට පෙම් බැන්දේ කෝම
සෙනෙහස නුඹේ කැලඹූවා සිත බෝම
මාරුතයක් විලස නලියන නල සේම